خبز التوست

المقادير

خبز-التوست

3 كوب دقيق
كوب ونص ماء دافىء
2 معلقه سكر
3 معالق زيت زيتون او زبده او زيت نباتى
نص معلقة كبيرة خل
معلقة ملح
2 معلقة خميرة فوريه
3 معالق حليب بودر(اختيارى بس بتدية طعم حلو)

طريقة التحضير

1- هاندوب الخميرة مع السكر فى نص كوب ماء دافىء

2- ننخل الدقيق ونضيفله الحليب البودر والملح 

3- نضيف المقادير على بعضها ونعجن نعجن كتير اوى حوالى ربع ساعة
لحد ما تبقى عجينه طريه لونها فاتح ونسيبها تخمر ساعه 

4-  افرديها شوية صغيرين ولفيها رول على قد القالب وادهنى القالب زينت وحطيها فيه ولو القوالب اللى عندك صغير ممكن تقسميعا نصين ولو مش عندك قوالب خالص فى قوالب زى ورق الفويل كدة بتتباع عند محلات بيع مستلزمات الحلويات او هتلاقية فى اى سوبر ماركت كبير وبيدى نفس النتيجة وسعرة مش غالى رخيص جدا

5- نسبها تخمر تانى جوة القالب هتاخد حوالى ساعة ونص لغاية ما تعلى وتنفش خالص
نكون مشغلين الفرن قبلها بشوية على حرارة عالية وندخلة فى الرف الاوسط ونهدى الحرارة ونسيبة يستوى براحتة ولما يقرب يستوى ندهن الوش زيت علشان يبقى بيلمع وبعدين لما يستوى نطلعة ونسيبة يبرد شوية ونكون مغطيبنة بفوطة علشان يفضل طرى وبعدين نقطعة

6- لو عايزة ناشف هترصية تانى فى صنية وتدخلية الفرن يتحمص او لو عندك الالة بتاعة التحميص حطية فيها 

7- ولو طرى استخدمية عالطول وممكن تقطعية وتحطية فى اكياس وتحطية فى الفريزر وقبل الاكل بتطلعية يفك من غير نار سبية يفك لوحدة والجو حر دلوقت مش هياخد 10 دقايق  


                    * وبألـــــــــــــــف هــــــــــــــــــنا *