ناجتس بالكورن فليكس

المكونات

1/2 كيلو صدور فراخ بانية
١ بطاطس وسط مسلوقة ومهروسة (ماتكنش مهروسة ناعم قوي)

ناجتس-بالكورن-فليكس

١ قطعة بيض
١ ملعقة كبيرة دقيق
١ ملعقة شاي بصل بودرة
١ ملعقة شاي ثوم بودرة
١ ملعقة شاي ملح (أو حسب الرغبة)
١ ملعقة شاي فلفل أسود (أو حسب الرغبة)
١.٥ كوب دقيق متبل بسيط بملح وفلفل أسود (للقلي)
٢ قطعة بيض متبل بسيط بملح وفلفل أسود (للقلي)
٣ كوب كورن فليكس مجروش باليد (للقلي)

طريقة عمل ناجتس بالكورن فليكس

1- قطعي صدور البانية لقطع أصغر و أفروميها في الخلاط أو الكبة مع البيضة (و ممكن تحطي بيضة كمان لو حسيتى أن الخليط ناشف شوية)

2- هاتي طبق غويط وبأيدك أخلطي فيه الحاجة كلها مع بعض: الفراخ - البطاطس المهروسة - الدقيق - الملح - الفلفل - البصل والثوم البودرة

3- قلبيهم كويس لغاية ما الخليط يتجانس كله، (لو حاستيه ماهى شوية يعني يميل الي السيولة، ممكن تحطي دقيق تاني مع مراعاة إضافة المزيد من التوابل)
 
4- غطية و سبيه في التلاجة ١/٢ ساعة عشان يتماسك (أو في الفريزر ١٥ - ٢٠ دقيقة)
أعمليه أشكال بأديكي (صوابع زى الكفتة - أقراص - كور صغيرة ) .. بس يفضل أشكال مسطحة عشان نضمن أنها تستوي من جوه في القلية
 
5- حطية تاني في الفريز لغاية مايتماسك (وممكن تسيبة في الفريز وتكملى تاني يوم لو تعبتى )
 
6- بالتتالى حطى قطعة قطعة في الدقيق المتبل -> البيض -> الكورن فليكس
أقلية في زيت غزير (و ممكن تسوية في الفرن لو عايزاه صحى أكتر بس تكون الفراخ مسلوقة من اﻷول)
 
7- نشفية علي ورق مطبخ عشان يمتص الزيت و بالهنا والشفا (بجد هااااايل وهاتعجبكوا قوييي)

تعديل المقال